(વર્તમાન પ્રવાહ ન્યુઝ નેટવર્ક) સરીગામ, તા.25
આજરોજ યુઆઇએના 15 બોર્ડ ઓફ ડાયરેક્ટર્સની નિયુક્તિ માટે ચૂંટણી હાથ ધરવામાં આવી હતી. બે પેનલ વચ્ચે રસાકસી ભર્યા માહોલમાં મતદારની ટકાવારી ઊંચી જતા 727 મતદાર સભ્યમાંથી 660 મતદારોએ મતદાન કર્યું હતું. જેમાંથી 30 વોટ રદ થતા 630 વોટની ગણતરી કરવામાં આવી હતી.
મતદાનનો સમય પૂર્ણ થયા બાદ હાથ ધરેલી ગણતરીમાં યુવા ઇન્ડસ્ટ્રી ટીમના ઉમેદવારોનો વિજય થવા પામ્યો હતો. વિજય હાસલ કરનારોમાં 1. વિઝન શ્યામ 423 (2. ગુપ્તા દિપક 394 (3. પટેલ અમળત 393 (4. પંચાલવિપુલ 382 (5. બારી જીગ્નેશ 380 (6. લદ્દા બ્રિજ ગોપાલ 373 (7. બંનથીઆ નરેશ 371 (8. શાહ ભરત 367 (9. પુઠાવાલા નીરજ 358 (10. હીરાની નીતિન 357 (11. પંચાલ કેતન 348 (12. દેવાર સર્વનન 347 (13. મંગે નવીન 340 (14. મહેતા નિતીન 328 (15. થમ્મન -સાદ 319. આ 15 ઉમેદવારોએ મેદાનમાં ઝંપલાવનાર 30 ઉમેદવારોમાંથી મત હાંસલ કરવામાં અગ્રેસર રહેતા મેમ્બર બોર્ડ ઓફ ડાયરેક્ટર ઓફ યુઆઇએ 2022-2024 ના સમય માટે નિયુક્ત કરવામાં આવ્યા છે.
હવે પ્રમુખ તરીકે કોની નિયુક્તિ કરવામાં આવશે એના ઉપર તમામની નજર મંડરાયેલી છે.
