(વર્તમાન પ્રવાહ ન્યુઝનેટવર્ક)
સેલવાસ, તા.04 : સેલવાસ નગરપાલિકા વિસ્તાર સ્માર્ટસીટીના લીસ્ટમાં છે, પરંતુ શહેરના પ્રવેશદ્વાર એવા પીપરીયા પુલની બન્ને બાજુએ ગંદકીનો માહોલ જોવા મળે છે. આ બ્રિજનો એક છેડો સેલવાસમાં અને બીજો છેડો ગુજરાતના લવાછા ગામને જોડે છે. અહીં આજુબાજુના વિસ્તારમાં રહેતા લોકો ખુલ્લેઆમ કચરો નાખી જાય છે જેના કારણે હંમેશા ગંદકીનો માહોલ રહે છે.
વિસ્તારમાં કૂડો-કચરો નાંખી ગંદકી ફેલાવનારા લોકો સામે ન.પા. દ્વારા કડક પગલાં ભરવામાં આવે એ જરૂરી છે. સેલવાસ પાલિકા દ્વારા સ્વચ્છતા સર્વેક્ષણ અંતર્ગત વિવિધ વિસ્તારમાં સ્વચ્છતા માટે કચરા ગાડી દ્વારા કચરો ઉઠાવવામા આવે છે અને સ્વચ્છતા પ્રત્યે લોકોને જાગૃત કરવાનો પ્રયાસ કરવામાં આવે જેથી પ્રદેશમાં આવતા પ્રવાસીઓને શહેરના પ્રવેશદ્વાર પાસે ગંદકી માહોલથી રાહત મળી શકે, અથવા તો સેલવાસ પાલિકા અને લવાછા પંચાયત દ્વારા સંયુક્ત રૂપે અહીં જે પણ કચરો નાખે તેઓને દંડ કરી સજા કરવામાં આવે એ જરૂરી છે.
