પ્રખ્યાત કોરિયોગ્રાફર વૈભવ ઘુઘેના હસ્તે સૂરજ કુમારને પ્રમાણપત્ર આપીને સન્માનિત કરાયાઃ નુમા ઈન્ડિયાના ડાયરેક્ટર આકાશ ઉદેશી અને સેક્રેટરી અર્જુન ઉદેશીએ સૂરજ કુમારને પાઠવેલા અભિનંદન
(વર્તમાન પ્રવાહ ન્યુઝ નેટવર્ક)
દમણ, તા.28 : નુમા ઈન્ડિયા દ્વારા દમણમાં ચાલતા નુમા એકેડેમી ડાન્સ ટ્રેનર શ્રી સૂરજ કુમારે મુંબઈ થાણેમાં આયોજીત ડાન્સ વર્કશોપમાં ભાગ લીધો હતો. આ વર્કશોપમાં ડાન્સની તાલીમ આપવા માટે ટેલીવિઝન રિયાલીટી શૉના ફેમસ કોરિયોગ્રાફર શ્રી વૈભવ ઘુઘે ખાસ ઉપસ્થિત રહ્યા હતા. વર્કશોપ પૂર્ણ થયા બાદ શ્રી વૈભવ ઘુઘેના હસ્તે શ્રી સૂરજ કુમારને પ્રમાણપત્ર આપીને સન્માનિત કરવામાં આવ્યા હતા.
આ અવસરે નુમા ઈન્ડિયાના ડાયરેક્ટર શ્રી આકાશ ઉદેશી અને સેક્રેટરી શ્રી અર્જુન ઉદેશીએ નુમા એકેડેમી દમણના ડાન્સ ટ્રેનર શ્રી સૂરજ કુમારને શુભકામનાઓ પાઠવી હતી અને આવી જ રીતે ભવિષ્યમાં પણ ડાન્સના ક્ષેત્રે પોતાનું કૌવત ઝળકાવતા રહે અને સંઘપ્રદેશનું નામ રોશન કરે.