(વર્તમાન પ્રવાહ વાપી બ્યુરો)
વાપી, તા.25
વાપી તાલુકાના કરવડ ખાતે આવેલા સેંટ જોસેફ અંગ્રેજી માધ્યમ શાળામાં લગભગ બે વર્ષ પછી બાળકોનું શાળામાં પ્રત્યક્ષ શિક્ષણ કાર્ય શરૂ કરવામાં આવ્યું છે.
આ પ્રસંગો શાળામાં આવનાર દરેક બાળકને કુમકુમ તિલક અને ચોકલેટ આપી શાળાના મુખ્ય ટ્રસ્ટી મેડમ આની આલ્ફાન્સો, ડાયરેક્ટર શ્રી એ.ટી. વોહરા, પ્રિન્સીપાલ શ્રી અનિલ આલ્ફાન્સો અને શિક્ષકો તરફથી સ્વાગત કરવામાં આવ્યું હતું. શાળાના તમામ બાળકોના મુખ પર સ્મિત તથા અનેરો ઉત્સાહ જોવા મળ્યો હતો.
અત્રે ઉલ્લેખનીય છે કે, કોરોના વાયરસ મહામારીની પ્રથમ, દ્વિતીય લહેર બાદ હાલમાં જ પ્રત્યક્ષ શિક્ષણ શાળામાં કરવામાંઆવ્યું છે. આ અગાઉ શિક્ષકો દ્વારા ઓનલાઈન શિક્ષણ બાળકોને ભણાવવામાં આવ્યું હતું. તારીખ 25 નવેમ્બર 2021ના ગુરૂવારના રોજથી સરકારની ગાઈડ-લાઈન મુજબ શિક્ષણ કાર્ય શરૂ.
