વાપી શુભમ ટાવરમાં રહેતો ઉજ્જવલ ડ્રોલીયા 25મી રાત્રે દોડ શરૂ કરી તા.26મી સવારે 7:50 કલાકે 75 કી.મી.ની દોડનો લક્ષ્યાંક પુરો કર્યો
(વર્તમાન પ્રવાહ વાપી બ્યુરો)
વાપી, તા.28: વાપી ચલાના યુવાને અવ્વલ દેશ પ્રેમની મિશાલ જગાવી હતી. 75મા ગણતંત્ર દિવસની ઉજવણી 75 કીલોમીટર દોડ દોડીને કરી યુવાનો માટે પ્રેરણા પુડી પાડી હતી.
ચલા શુભમ ટાવર વિભાગ-2માં રહેતા ઉજ્જવલ દિપકભાઈએ 75મો ગણતંત્ર દિવસની ઉજવણી 75 કીલમીટર દોડ દોડીને કરી હતી. આ માટે ઉજ્જવલે તા.25 જાન્યુઆરીની રાત્રે રોફેલ રેમન્ડ સર્કલથી દોડ શરૂ કરી ઉપાસના સ્કૂલ થઈ રેમન્ડ સર્કલના સતત આખી રાત દોડીને 25મી જાન્યુઆરી સવારે 7:50 કલાકે 75 કી.મી.ની દોડનો લક્ષાંક અંતે પુરો કરી દીધો હતો. આ પ્રસંગે ઉજ્જવલને પ્રોત્સાહન કરવા માતા જ્યોતિબેન, પિતા દિપકભાઈ સહિત મિત્રો, પરિવાર રાતભર રોડ ઉપર જાગતા રહેલા અને ઉજ્જવલને પ્રોત્સાહિત કરતા રહ્યા હતા. અંતે સવારે 7:50 કલાકે દોડ લક્ષાંક પુરો થતા સૌએ અભિનંદન આપી માતા-પિતા સહિત સૌએ ફુલ હારથી સન્માન કર્યું હતું.