November 17, 2026
Vartman Pravah
Breaking NewsOtherડિસ્ટ્રીકટદમણદીવદેશસેલવાસ

સંઘપ્રદેશ દાનહ અને દમણ-દીવમાં પાંચમી નવેમ્‍બરે સ્‍થાનિક સ્‍વરાજ્‍યની સંસ્‍થાઓની ચૂંટણી

દાદરા નગર હવેલી, દમણ અને દીવ જિલ્લા પંચાયત, ગ્રામ પંચાયતો(દીવ જિલ્લાની મહારાણી લક્ષ્મીબાઈ વણાંકબારા, મહારાણા પ્રતાપ સાઉદવાડી, શહીદ ભગતસિંહ અને સરદાર વલ્લભભાઈ પટેલ ગ્રામ પંચાયતો સિવાય) તથા સેલવાસ અને દમણ નગરપાલિકાની યોજાનારી ચૂંટણી

સંઘપ્રદેશમાં ચૂંટણીની આદર્શ આચારસંહિતાનો પણ શરૂ થયેલો અમલ

નવી દિલ્‍હી, તા.09
સંઘપ્રદેશ દાદરા નગર હવેલી અને દમણ-દીવમાં ગ્રામ પંચાયત, જિલ્લા પંચાયત અને નગરપાલિકાઓની ચૂંટણીની જાહેરાત આજે સંઘપ્રદેશના ચૂંટણી કમિશનર શ્રી સુધાંશુ પાંડેએ કરતા હવે આચારસંહિતા પણ અમલી બની છે.
દીવ નગરપાલિકા તેમજ દીવ જિલ્લાની મહારાણી લક્ષ્મીબાઈ વણાંકબારા, મહારાણા પ્રતાપ સાઉદવાડી, શહીદ ભગતસિંહ અને સરદાર વલ્લભભાઈ પટેલ ગ્રામ પંચાયતોને બાદ કરતા કેન્‍દ્ર શાસિત પ્રદેશ દાદરા નગર હવેલીના ત્રણેય જિલ્લાની પંચાયતો અને સેલવાસ અને દમણ નગરપાલિકાની ચૂંટણીની જાહેરાત કરાઈ છે.
કેન્‍દ્ર શાસિત પ્રદેશોના ચૂંટણી કમિશનર શ્રી સુધાંશુ પાંડેએ જાહેર કરેલા ચૂંટણીના સમય પત્રક મુજબ આગામી શુક્રવાર તા.10મી ઓક્‍ટોબર, 2025ના રોજ દાદરાનગર હવેલી, દમણ અને દીવ(મહારાણી લક્ષ્મીબાઈ વણાંકબારા, મહારાણા પ્રતાપ સાઉદવાડી, શહીદ ભગતસિંહ અને સરદાર વલ્લભભાઈ પટેલ ગ્રામ પંચાયતો સિવાય) જિલ્લાની ગ્રામ પંચાયતો, દાનહ, દમણ અને દીવ જિલ્લા પંચાયતો તથા સેલવાસ અને દમણ નગરપાલિકા માટે ચૂંટણી કમિશનર દ્વારા જાહેરનામું પ્રસિદ્ધ કરવાની સાથે જ ઉમેદવારી પત્રક ભરવાની પણ શરૂઆત થશે.
ઉમેદવારી પત્રક ભરવાની અંતિમ તા.17મી ઓક્‍ટોબર, 2025ના શુક્રવારે છે. જ્‍યારે ઉમેદવારી પત્રકની ચકાસણી તા.18મી ઓક્‍ટોબર, 2025ના શનિવારે થશે. ઉમેદવારી પત્રક પરત ખેંચવાની તા.20મી ઓક્‍ટોબર, 2025ના સોમવારે છે. જ્‍યારે મતદાનની તારીખ 5મી નવેમ્‍બર, 2025ના બુધવારના રોજ નિર્ધારિત કરાઈ છે. 11મી નવેમ્‍બર, 2025 પહેલાં ચૂંટણી પ્રક્રિયા સંપન્ન કરવામાં આવશે.
સંઘપ્રદેશોના ચૂંટણી પંચ દ્વારા હવે દાદરા નગર હવેલી, દમણ અને દીવ(મહારાણી લક્ષ્મીબાઈ વણાંકબારા, મહારાણા પ્રતાપ સાઉદવાડી, શહીદ ભગતસિંહ અને સરદાર વલ્લભભાઈ પટેલ ગ્રામ પંચાયતો સિવાય) જિલ્લાની ગ્રામ પંચાયતો, ત્રણેય જિલ્લા પંચાયતો તથા સેલવાસ અને દમણ નગરપાલિકાની ચૂંટણી જાહેર થવાની સાથે રાજકીય ગતિવિધિ પણ તેજ બનવા પામી છે.

Related posts

શ્રી સ્‍વામિનારાયણ ગુજરાત બોર્ડ ઈંગ્‍લિશ મીડિયમ સ્‍કૂલ સલવાવમાં વિદ્યાર્થીઓ અને વાલીઓ માટે માર્ગદર્શન કાર્યક્રમ યોજાયો

vartmanpravah

વલસાડ ઔરંગા નદી બ્રિજ પાસે બેરીકેટમાં પીકઅપ ટેમ્‍પો ભટકાયો, મોટા વાહનોની અવરજવર થંભી ગઈ

vartmanpravah

દાનહ જિલ્લા પંચાયત ઉપપ્રમુખ દિપક પ્રધાને જર્જરિત રસ્તાઓના રીપેરીંગ માટે કલેક્ટરને લેખિત રજૂઆત કરી

vartmanpravah

ભગવાન શ્રીકળષ્‍ણ વિશે આપત્તિજનક પોસ્‍ટ કરનારા ધરમપુર તાલુકાના તુંબી ગામના દંપતિ સામે કાર્યવાહી કરવા માંગ

vartmanpravah

કપરાડાની અસલકાંટી કેન્‍દ્રની શાળાઓમાં માતા-પિતા વિનાના 80 બાળકોને શૈક્ષણિક કીટ અપાઈ

vartmanpravah

કુકેરી અને સુરખાઈમાં આયુષ્‍માન ભારત હેલ્‍થ અને વેલનેસ સેન્‍ટરના મકાનો જર્જરિત બનતા દર્દીઓ અને કર્મચારીઓને જીવનું જોખમ

vartmanpravah

Leave a Comment