(વર્તમાન પ્રવાહ ન્યુઝ નેટવર્ક)
દીવ, તા.11: સંઘપ્રદેશ દીવના નાગવા ખાતે કલેક્ટર નિવાસ નજીક મુખ્ય રસ્તા ઉપર એક ટુ વ્હીલર મેસ્ટ્રો ગાડીમાં અચાનક આગ લાગતા અફરાતફરી મચી જવા પામી હતી.પ્રાપ્ત માહિતી પ્રમાણે દીવના વણાંકબારાના ફાફડી વાડીના રહેવાસી જયપાલન જમનાદાસ તેમની ટુ વ્હીલર મેસ્ટ્રો મોપેડ ગેરેજમાંથી રિપેર કરાવી અને વણાંકબારા જઈ રહ્યા હતા, તે દરમિયાન અચાનક જ ગાડીના હેન્ડલ પાસેથી ધુમાડો નિકળતો દેખાતા મોપેડના માલિક જયપાલન જમનાદાસ તથા તેની સાથે રહેલ એક છોકરો ગાડી પરથી ઉતરીને દૂર ખસી ગયા હતા. ત્યારબાદ જોતજોતામાં થોડી જ ક્ષણોમાં આખું મોપેડ આગની ઝપેટ આવતાં બળીને ખાખ થઈ ગયું હતું. મોપેડમાં જ્વલંત જ્વાળાઓ ભભૂકી ઉઠી હતી અને આખું મોપેડ બળીને ખાખ થઈ ગયું હતું. ત્યાં ઉપસ્થિત લોકો દ્વારા ફાયર બ્રિગેડને જાણ કરાતા અગ્નિશમન વિભાગના જવાનો ઘટના સ્થળે તાત્કાલિક દોડી આવ્યા હતા અને આગને બુઝાવી હતી. ઘટના સ્થળે મોટી સંખ્યામાં લોકો એકઠા થયા હતા.
