(વર્તમાન પ્રવાહ ન્યુઝ નેટવર્ક)
સેલવાસ, તા.11: સેલવાસના દમણગંગા નદીના કિનારે નરોલી ગામ તરફની સ્મશાન ભૂમી તરફ જતા રસ્તા પર કાદવ-કીચડના કારણે સ્મશાન ભૂમિમાં જવા-આવવા ડાઘુઓને ભારે મુશ્કેલીઓનો સામનો કરવા પડી રહ્યો છે.
પ્રાપ્ત માહિતી પ્રમાણે નરોલી, અથાલ, ખરડપાડા સાથે ગુજરાતના જોડાયેલા બે ગામોના વિસ્તારમાંથી કોઈક વ્યક્તિનું અવસાન થાય છે ત્યારે અંતિમયાત્રા આ રસ્તા પરથી પસાર થાય છે અને સ્મશાન ભૂમિ પર પહોંચે છે. આ રસ્તાની સ્થિતિ હાલમાં ખૂબ કાદવ-કિચડથી ખદબદ અને દયનીય છે, આ રસ્તા પર ચાલવું ક્યાં એ સમજી શકાતુ નથી. નરોલી-સેલવાસ રસ્તાના નવિનીકરણનું કામ થઈ રહ્યું છે, ત્યારે સ્મશાન ભૂમિ તરફ જતા રસ્તાનું કામ શા માટે નથી કરવામાં આવતું? એ પ્રશ્ન છે.
