ટેન્કર આરતી ઈન્ડસ્ટ્રીઝમાં ખાલી કરવા જતા સર્જાયો અકસ્માત
(વર્તમાન પ્રવાહ વાપી બ્યુરો)
વાપી, તા.30 : વાપીના જી.આઈ.ડી.સી. રેસિડેન્ટ વિસ્તાર સી-ટાઈપમાં આજે સવારે કેમિકલ ભરેલી ટેન્કર એક વિજપોલ સાથે ભટકાતા ગંભીર અકસ્માત સર્જાયો હતો. જો કે સદનસીબે મોટી દુઘ4ટના ટળી હતી.
વાપી જી.આઈ.ડી.સી. વિસ્તારમાં અનેક કેમિકલ કંપનીઓ કાર્યરત છે તેથી ડાઈઝ-ઈન્ટરમીડિયેટ, ફાર્મા કંપનીઓમાં વપરાતા રો-મટેરીયલ જલદ કેમિકલ તથા સોલવેન્ટ ભરેલી ટેન્કરો દિન-રાત દોડતી રહે છે. આજે તેવી એક કેમિકલ ભરેલી ટેન્કર આરતી ઈન્ડસ્ટ્રીઝમાં ખાલી કરવા જવા માટે સી-ટાઈપ વિસ્તારમાંથી પસાર થતી હતી તે દરમિયાન રિવર્સ કરતી વેળાએ ટેન્કર વિજપોલ સાથે ભટકાતા ચાલુ લાઈનનો પોલ ટેન્કર ઉપર પટકાયો હતો. ઘટના અતિ ગંભીર એટલા માટે છે કે રહેઠાણ વિસ્તાર હોવાથી આવી દુર્ઘટનામાં આગ પણ પકડી લીધી હોત તો કોઈ મોટી હોનારત સર્જાતી અટકી જવા પામી હતી.