રોફેલ કોવિડ કેર સેન્ટર, રોટરી ક્લબ, આરતી ગૃપ ઓફ ઈન્ડ. અને હરીયા હોસ્પિટલ દ્વારા સંચાલન થશે
(વર્તમાન પ્રવાહ વાપી બ્યુરો)
વાપી, તા.13
વલસાડ જિલ્લા અને વાપી વિસ્તારમાં કોવિડની ત્રીજી લહેરમાં વધી રહેલા કોરોના સંક્રમિત કેસોને ધ્યાને લઈને ફરી વધુ એક વાર રોફેલ કોલેજ કેમ્પસમાં કોવિડ કેર સેન્ટર તા.14 જાન્યુઆરીથી કાર્યરત થનાર છે.
રોફેલ કોવિડ કેર સેન્ટર સમાજ સેવાના ભાગરૂપે રોટરી ક્લબ ઓફ વાપી, આરતી ગૃપ ઓફ ઈન્ડસ્ટ્રીઝ અને હરીયા રોટરી હોસ્પિટલના સંયુક્ત પ્રયાસ આધિન કાર્યરત કરવામાં આવેલ છે. આ સુવિધામાં હરીયા રોટરી હોસ્પિટલની બીજી લહેરવખતે કટોકટીની સ્થિતિ ઉભી થતા રોફેલ કોલેજમાં કોવિડ કેર સેન્ટર કાર્યરત કરાયું હતું. જેનો સેંકડો દર્દીઓએ લાભ લીધો હતો. તાજેતરમાં ફરી કોરોનાએ માથુ ઊંચક્યું છે ત્યારે ફરી વધુ એક રોફેલ કોવિડ કેર સેન્ટર કાર્યરત કરવામાં આવી રહ્યું છે.