પરિવારના સભ્યોની જેમ સૌ સાથે મળી ડી.જે.ના તાલે ઝૂમી પાંચ જેટલી મટકીઓ ફોડી આનંદ મનાવ્યો: સત્યનારાયણ કથા, શાંતિ યજ્ઞ તથા મહાપ્રસાદ થયું આયોજન
(વર્તમાન પ્રવાહ ન્યુઝ નેટવર્ક)
પારડી, તા.21
પારડી હાઈવે સ્થિત પ્રિન્સેસ પાર્ક સોસાયટીના રહીશો દ્વારા જન્માષ્ટમીના ઉત્સવની ખૂબ ધામધૂમ અને હર્ષોલ્લાસથી ઉજવણી કરવામાં આવી હતી.
આજે જ્યારે પરિવારો તૂટી અલગ થઈ રહ્યાછે ત્યારે આ સોસાયટીના અલગ અલગ જાતિના તમામ રહેવાસીઓએ સાથે મળી ડી.જે.ના તાલે ઝૂમી સોસાયટીમાં જ પાંચ જેટલી મટકીઓ ફોડી આનંદ મનાવ્યો હતો.
આ ઉપરાંત સોસાયટીમાં રાખવામાં આવેલ સત્ય નારાયણ કથા, શાંતિ યજ્ઞ અને મહાપ્રસાદમાં સૌએ ભાગ લીધો હતો.
