(વર્તમાન પ્રવાહ ન્યુઝ નેટવર્ક)
સેલવાસ, તા.16 : આજે ભારત સરકારની ‘સબકી યોજના, સબકા વિકાસ’-ગ્રામ પંચાયત ડેવલપમેન્ટ પ્લાન (જીપીડીપી) અભિયાન અંતર્ગત સરપંચ શ્રીમતી કુંતાબેન વિષ્ણુભાઈ વરઠાની અધ્યક્ષતામાં સાયલી ગ્રામ પંચાયતની ગ્રામસભા મળી હતી. જેમાં દાનહ જિલ્લા પંચાયતના સભ્ય શ્રી પ્રવિણભાઈ ભોયા, દાનહ જિલ્લા પંચાયતના વિકાસ અને આયોજન અધિકારી શ્રી મિથુન રાણા, સાયલી ગ્રામ પંચાયતના વોર્ડ સભ્યો તથા એનઆરએલએમ વિભાગ, ઉચ્ચ માધ્યમિક અને ટેક્નીકલ એજ્યુકેશન વિભાગ, પ્રાથમિક અને ઉચ્ચ પ્રાથમિક વિભાગ, આરોગ્યવિભાગના અધિકારી, બેંક ઓફ બરોડાના અધિકારી, પીડબ્લ્યુડી વિભાગ, પશુપાલન વિભાગ, ખેતી નિયામક વિભાગ, એસ.સી., એસ.ટી. કોર્પોરેશન, પંચાયતનો સ્ટાફ તથા આંગણવાડીના વર્ર્ક્સ, સેલ્ફ હેલ્પ ગૃપની બહેનો તેમજ સાયલી પંચાયતના ગ્રામજનો ઉપસ્થિત રહ્યા હતા.
