(વર્તમાન પ્રવાહ ન્યુઝ નેટવર્ક)
પારડી, તા.21: ઉમરગામ તાલુકાના તડગામ વાવર ફળિયા ખાતે રહેતો જીગ્નેશ વસંતભાઈ ધોડી ઉંમર વર્ષ 23 સરીગામની જેબીએફ કંપનીમાં છેલ્લા બે વર્ષથી નોકરી કરતો હતો.
તારીખ 20.03.2023 ના રોજ કંપનીમાંથી રજા લઈ જીગ્નેશ પોતાની યુનિકોન મોટરસાયકલ નંબર જીજે 15 બીએમ 8257 લઈ બગવાડાથી ઉદવાડા રેલવે ટ્રેક પર સાઇડે પોતાની મોટર સાયકલ પાર્ક કરી મુંબઈ થી સુરત જવાના ડાઉન રેલવે લાઈન પર કોઈ ટ્રેન અડફેટે ઝંપલાવી આત્મહત્યા કરી લીધી હતી.
બનાવની જાણ વાપી પોલીસે જીગ્નેશના ભાઈ કૌશિકને કરતા કૌશિક તથા અન્ય સગાઓ બનાવના સ્થળે દોડી આવી ગંભીર રીતે કમર તથા માથાના ભાગે ઈજા થતા મરણ પામેલ જીગ્નેશને પીએમ માટે ઓરવાડ સરકારી હોસ્પિટલ ખાતે લઈ જઈ આ બનાવ અંગેની જાહેરાત પારડી પોલીસ સ્ટેશન આપી હતી.
