(વર્તમાન પ્રવાહ ન્યુઝ નેટવર્ક)
સેલવાસ, તા.21 : સેલવાસના ટોકરખાડા સ્થિત શાળાના વિદ્યાર્થીઓએ સ્થાનિક પોલીસ સ્ટેશનની મુલાકાત લીધી હતી અને પોલીસ વિભાગની કાર્યપ્રણાલી અંગે જાણકારી મેળવી હતી.
આ અવસરે પોલીસ વિભાગના અધિકારીઓએ વિદ્યાર્થીઓને પોલીસની વિવિધ જવાબદારી અંગે વિસ્તૃત જાણકારી આપી હતી. સાથે મહિલા હેલ્પ ડેસ્ક, ચાઈલ્ડ લાઈન 1098 અને 112, ટ્રાફિકના નિયમો એક રાજ્યની પોલીસ બીજા રાજ્યમાં કેવી રીતે તેમનું કામ કરે છે તેબાબતે પણ વિદ્યાર્થીઓને સવિસ્તર માહિતી આપવામાં આવી હતી. દરમિયાન વિદ્યાર્થીઓએ પોલીસ સ્ટેશનના રેકોર્ડ રૂમ અને લોકઅપની પણ મુલાકાત લીધી હતી અને ચોકીમાં વિવિધ હથિયારો નિહાળી તેને સ્પર્શ કરીને રોમાંચિત થયા હતા.
