કવલજીતસિંગ રાજવીરસિંગએ બેડરૂમમાં પંખા સાથે ઓઢણી બાંધી ફાંસો ખાધેલી હાલતમાં મળી આવ્યા હતા
(વર્તમાન પ્રવાહ વાપી બ્યુરો)
વાપી, તા.24: વાપી ચલામાં આવેલ કોટક મહિન્દ્રા બેંકના બ્રાન્ચ હેડ મેનેજરે ગુરુવારે વલસાડના જુજવા ગામે આવેલ તેમના બંગલાના બેડરૂમમાં ગળે ફાંસો ખાઈ આત્મહત્યા કરી લેતા ચકચાર મચી જવા પામી હતી.
વલસાડ જુજવા ગામે કુબેર રેસિડેન્સી બ્લોક નં.799 માં રહેતા કવલજીતસિંગ કે તેઓ વાપી ચલા કોટક મહિન્દ્રા બેંકમાં મેનેજર તરીકે ફરજ બજાવે છે. મોટાભાઈ અને પરિવાર સાથે રહે છે. ગુરૂવારે કવલજિતસિંગની બેડરૂમમાં પંખે લટકતી લાશ પરિવારજનોએ જોતા માથે આભા તૂટી પડયું હતું. નાનો ભાઈ અમરજીતસિંગ સેલવાસ ફરજ ઉપર ગયા હતા. તાત્કાલિક વલસાડ આવી પહોંચ્યા હતા. રૂરલ પોલીસને જાણ કરી હતી. પોલીસે ફરિયાદ નોંધી અકસ્માત મોતનો ગુનો નોંધી વધુ તપાસ હાથ ધરી હતી. જાણવા મળ્યા મુજબ મૃતક કવલજીત લગ્નેતર સંબંધના લીધે માનસિક તાણ અનુભવતો હોવાથી અંતિમ કદમ ભર્યાનું મનાઈ રહ્યું છે.
