(વર્તમાન પ્રવાહ વાપી બ્યુરો)
વાપી, તા.23: વાપી- ચણોદ સ્થિત કે.બી.એસ. કોમર્સ અને નટરાજ કોલેજ વિદ્યાર્થીઓના સર્વાંગી વિકાસમાં ફાળો આપવા માટે જાણીતી છે. કોલેજના અભ્યાસ કરતા ટી.વાય.બી.કોમના વિદ્યાર્થી કરણ ઘોઘારીએ સુરત પોલીસ દ્વારાન આયોજીત ‘‘સુરત એથ્લેટિક્સ મીટ”માં 100 મીટર અને 200 મીટર રેસ બંનેમાં પ્રથમ સ્થાન મેળવ્યું હતું. તેમના નોંધપાત્ર પ્રદર્શનથી તેમને મેડલ અને રૂા. 10,000 રોકડ પુરસ્કાર પ્રાપ્ત થયા હતા. કોલેજના આચાર્ય ડૉ. પૂનમ બી. ચૌહાણ કરણ અને તેમના ટ્રેનર્સ ડૉ. મયુર પટેલ અને રોહિત સિંઘને તેમની અદ્ભૂત સિદ્ધિ માટે અભિનંદન પાઠવે છે અને તેમની સતત સફળતાની શુભેચ્છા પાઠવે છે.
