ખેપીયાની ધરપકડઃ પાયલોટિંગ કરનાર નાની દમણના ઈસમ વોન્ટેડ
(વર્તમાન પ્રવાહ ન્યુઝ નેટવર્ક)
પારડી, તા.18: વલસાડ એલસીબીની ટીમના પોલીસ કોન્સ્ટેબલ તેજપાલસિંહ અન્ય પોલીસ કર્મીઓ સાથે પેટ્રોલીંગમાં હતા. આ દરમિયાન બાતમી આધારે બગવાડા ટોલ નાકા આગળ વોચ ગોઠવી હતી અને અને બાતમી વાળી એક્સયુવી કાર નં. ડીડી-03-એચ-0799 આવતા તેને અટકાવી હતી અને કારની તલાશી લેવામાં આવતા વિદેશી દારૂની બોટલ નંગ 720 જેની કિમત રૂા.36,000નો જથ્થો હાથ લાગતાં દારૂ સાથે રૂા. 5,0,000ની એક્સયુવી કબજે લઈ ચાલક આકાશ અનિલભાઈ ગિલાણી (ઉ.વ.22) રહે. નાની દમણ ખારીવાડ, અમર અકબર એન્થની સોસાયટીની ધરપકડ કરી છે અને આ કારનું બાઈક પર પેટ્રોલીંગ કરનાર તેમજ દમણથી દારૂ ભરી આપનાર અબુ સાલેમ રહે નાની દમણ ખારીવાડને વોન્ટેડ જાહેર કરી આ મામલે પારડી પોલીસ મથકે એલસીબીએ ગુનો નોધાવ્યો છે.
