યુવતીની ફરિયાદ બાદ પોલીસે ઈસ્ટ રેલવે યાર્ડમાં રહેતા દિવ્યેશ જયેશ નાયકાની ધરપકડ કરી
(વર્તમાન પ્રવાહ વાપી બ્યુરો)
વાપી, તા.12: વલસાડમાં એક તરફી પ્રેમમાં પડેલા યુવકે હદ વટાવી દીધીનો બનાવ પ્રકાશમાં આવ્યો છે. નોકરી જઈ રહેલી યુવતિને અટકાવી જાહેરમાં યુવકે હાથ પકડી મારી સાથે બોલતી નથી કેમ કહી જો તું મને પ્રેમ નહી કરે તો તારા માતા-પિતા અને ભાઈને મારી નાખી તેવી ધમકી આપી યુવક બાઈક લઈ ચાલી ગયેલો. આ અંગે યુવતીએ કરેલી ફરિયાદ બાદ પોલીસે યુવકની ધરપકડ કરી જેલ ભેગો કર્યો હતો.
ગત તા.02 એપ્રિલના રોજ ઘરેથી કપડાની દુકાને નોકરી જવા નિકળેલી 22 વર્ષિય યુવતિને વલસાડ સ્ટેડિયમ રોડ નજીક ઈસ્ટ રેલવે યાર્ડમાં રહેતો દિવ્યેસજયેશભાઈ પટેલ મોટર સાઈકલ ઉપર આવેલ. યુવતીનો જાહેરમાં હાથ પકડી બોલાવવાનો પ્રયાસ કર્યો હતો. તુ મારી સાથે બોલતી કેમ નથી, હું તને પ્રેમ કરું છું, તું મારી સાથે વાતચિત નહી કરે તો તારા માતા-પિતા અને ભાઈને વલસાડમો રહેવા નહી દઉ તેમજ જાનથી મારી નાખીશ. તેવી ધમકી આફી દિવ્યેશ ચાલી ગયો હતો. આ અંગે ફરિયાદ નોંધાવતા પોલીસે દિવ્યેશ નાયકાની ધરપકડ કરી જેલ ભેગો કર્યો હતો.
