(વર્તમાન પ્રવાહ ન્યુઝ નેટવર્ક)
પારડી, તા.23: વલસાડ એસ.ઓ.જી.ને પારડી ખાતે એક ઈસમ ગેરકાયદેસર રીતે વગર પરમીટે ગાંજાનું વેચાણ કરી રહ્યો હોવાની બાતમી મળી હતી.
મળેલ બાતમીને લઈ વલસાડ એસ.ઓ.જી.એ બાતમી વાળી જગ્યા પારડી સૈયદ સ્ટ્રીટ, મઝદા એપાર્ટમેન્ટ,ચોથો માળ ફલેટ નંબર-4 બી માં રેડ કરતા તપાસ દરમિયાન ઘરમાં રાખેલ સ્ટીલના ડબામાં 307 ગ્રામ જેટલો કિંમત રૂપિયા 3070 નો ગાંજાનો જથ્થો મળીઆવ્યો હતો.
પોલીસે ફલેટમાં રહેતા રિયાઝ રફીક શેખ ઉર્ફે રિયાઝ જાનભાઈ શેખ ઉંમર વર્ષ 34 ની ધરપકડ કરી પૂછપરછ દરમ્યાન તેણે આ ગાંજાનો જથ્થો સંજાણ રહેતા ફિરોજ નામનો વ્યક્તિ આપતો હોવાનો અને પોતે આ ગાજાંનો જથ્થો છૂટક વેચાણ કરતો હોવાનું કબૂલ્યું હતું.
સમગ્ર કેસ પારડી પોલીસ સ્ટેશન ખાતે આવતા આગળની તપાસ પારડી પોલીસ સ્ટેશનના પી.આઈ. જી.આર. ગઢવી કરી રહ્યા છે.