-
સોમનાથ-બી વિભાગના જિ.પં.સભ્ય વર્ષિકાબેન પટેલ સ્વયં શૈક્ષણિક પ્રવૃત્તિમાં વિશેષ રસ લેતા હોવાના કારણે ગ્રામ્ય વિસ્તારમાં શિક્ષણ અને સંસ્કારના ઘડતર માટે તેમની મહત્ત્વની ભૂમિકા રહેશે
(વર્તમાન પ્રવાહ ન્યુઝ નેટવર્ક)
દમણ, તા.09
દમણ જિલ્લા પંચાયતની મહત્ત્વની ગણાતી શિક્ષણ સમિતિના અધ્યક્ષ તરીકે નવયુવાન શ્રીમતી વર્ષિકાબેન પિયુષભાઈ પટેલની સર્વાનુમતે વરણી કરાતા પ્રદેશના શિક્ષણ આલમમાં નવા ઉત્સાહના દર્શન થઈ રહ્યા છે.
જિલ્લાના ગ્રામ્ય વિસ્તારોમાં શિક્ષણ અને સંસ્કારનું ઘડતર કરવામાં શિક્ષણ સમિતિના અધ્યક્ષ તરીકે શ્રીમતી વર્ષિકાબેન પટેલ મહત્ત્વની ભૂમિકા ભજવી શકે એમ છે. નવી શિક્ષણ નીતિની સાથે તાલ મેળવી પ્રાથમિક અને ઉચ્ચ પ્રાથમિક શિક્ષણને વધુ સમાજલક્ષી બનાવવા પણ જિલ્લા પંચાયતની શિક્ષણ સમિતિ સાર્થક ભૂમિકા ભજવી શકે એમ છે.
શ્રીમતી વર્ષિકાબેન પટેલ પોતે પણ શૈક્ષણિક પ્રવૃત્તિમાં રસ લેતા હોવાના કારણે જિલ્લાના શિક્ષકો, વિદ્યાર્થીઓ અને વાલીઓ વચ્ચે કડી બની તેમના પ્રશ્નોનું પણ સમાધાન કરશે એવી આશા બળવત્તર બની છે.
