(વર્તમાન પ્રવાહ ન્યુઝ નેટવર્ક)
ચીખલી, તા.14
ચીખલી તાલુકાના સાદડવેલમાં જૂની અદાવતમાં મહિલાને માર મારી જાનથી મારી નાંખવાની ધમકી આપતા પોલીસે એક મહિલા સહિત ત્રણ સામે ગુનો નોંધી તપાસ હાથ ધરી હોવાની માહિતી પ્રાપ્ત થઈ છે.
પોલીસ સુત્રો પાસેથી મળતી માહિતી અનુસાર ફરિયાદી કુસુમબેન કાંતુભાઈ ધો.પટેલ (ઉ.વ-50) (રહે.સાદડવેલ દાદરી ફળીયા તા.ચીખલી)ની દીકરી કલ્પનાબેન તથા આરોપી રાકેશભાઈના ભાઈ જીતેન્દ્ર સાથે છેલ્લા પાંચેક વર્ષથી પ્રેમસંબંધ હોય તેઓ સુરત પાંડેસરા ખાતે રહે છે. જે પસંદ ના હોય જેની અદાવત રાખી 11-સપ્ટેમ્બરના રોજ બપોરના સમયે સાદડવેલ દાદરી ફળીયામાં કલ્પનાબેન તથા તેમની દીકરીઓને લાકડાથી તથા ઢીક મુક્કીનો માર મારી જાનથી મારી નાંખવાની ધમકી આપી હોવાની ફરિયાદમાં પોલીસે રાકેશ મગનભાઈ પટેલ, નિરૂબેન મગનભાઇ પટેલ તથા મગનભાઇ છગનભાઈ પટેલ (ત્રણેય રહે.સાદડવેલ દાદરી ફળીયા તા.ચીખલી) સામે ગુનો નોંધી તપાસ એએસઆઈ-મેહુલભાઈ હાથ ધરી હતી.
ઉપરોક્ત પૈકીરાકેશભાઈ તાલુકા પંચાયતના ભાજપી સભ્ય હોવાનું જાણવા મળ્યું છે.
