(વર્તમાન પ્રવાહ ન્યુઝ નેટવર્ક)
સેલવાસ,તા.10
દાદરા નગર હવેલીના સિંદોની પંચાયત ખાતે ખાનવેલ મહેસૂલ વિભાગ દ્વારા આરડીસી અને મામલતદારની ઉપસ્થિતિમાં શિબિરનું આયોજન 18 ડિસેમ્બરના રોજ સવારે 10.00 વાગ્યાથી સાંજે 5:00 વાગ્યા દરમ્યાન પ્રાથમિક મરાઠી શાળા સિંદોની મસ્યાપાડા ખાતે આયોજીત કરવામા આવશે. જેમાં મહેસૂલ વિભાગની અલગ અલગ સેવાઓ જેવી કે ડોમિસાઇલ, જાતિના અને આવકના દાખલાઓ માટે અરજીઓ, વારસાઈ પ્રક્રિયા, નકશા, આધારકાર્ડની અરજી, પેન્શન યોજનાની અરજી, વરિષ્ઠ નાગરિક પ્રમાણપત્ર, વિદ્યુત વિભાગની અરજી, અનાજ પુરવઠા વિભાગની અરજી, ગીર આદર્શ આજીવિકા યોજનાની અરજી અને અન્ય વિભાગને લગતા વિષયો બાબતે અરજીઓ સ્વીકારવામા આવશે.
મહેસૂલ વિભાગની સેવાઓ ઉપરાંત અન્ય વિભાગોની અરજીઓ પણ સ્વીકારવામા આવશે. સિંદોની પંચાયતમાં આવતા બેસદા, ખેડપા, સિંદોની અને બેડપા ગામના જાહેર જનતાને આ શિબિરનો લાભ લેવા અનુરોધ કરવામા આવ્યો છે.
