સ્પા સેન્ટરના સંચાલકની ધરપકડ
(વર્તમાન પ્રવાહ ન્યુઝ નેટવર્ક)
દમણ, તા.20: નાની દમણના સ્પા સેન્ટરની આડમાં ચાલી રહેલા દેહવેપારના અડ્ડાનો દમણ પોલીસે પર્દાફાશ કર્યો છે.
આજે નાની દમણ પોલીસ સ્ટેશનના પ્રભારી પી.એસ.આઈ. શ્રી વિશાલ પટેલે પોલીસ દળની સાથે સ્પા સેન્ટર ઉપર દરોડા પાડી દમણ રહેતા સ્પા સેન્ટર સંચાલકની ધરપકડ કરી હતી. આરોપી વિરૂધ્ધ અનૈતિક દેહવેપાર અધિનિયમની વિવિધ કલમો અંતર્ગત ગુન્હો દાખલ કરાયો છે.
પ્રાપ્ત માહિતી પ્રમાણે નાની દમણમાં કથિરીયા ખાતે બ્લ્યૂ લગૂન હોટલની સામે આવેલ ઈમારતના પહેલા માળે પૈરા મનોસ ડ્રાઈ નામથી સ્પા સેન્ટર ચાલી રહ્યું હતું. પૈરા મનોસ સ્પા સેન્ટરમાં મસાજના નામ ઉપર દેહવેપારનો ધંધો ખૂબ જોરશોરથી ચાલી રહ્યો હતો. અહીં મોટા ભાગના ગ્રાહકો બહાર ગામથી આવતા હતા. ગ્રાહકોને રસીદ મસાજની કાપવામાં આવી હતી પરંતુ કેબિનમાં યુવતિઓથી સ્પાના નામ ઉપર દેહવેપારનું કામ કરાતું હતું. પોલીસને આ સ્પા સેન્ટરમાં ચાલી રહેલા દેહવેપારની ખબરમળતા નાની દમણ પોલીસ સ્ટેશનના ઈન્ચાર્જ પીએસઆઈ શ્રી વિશાલ પટેલે પોલીસ દળની સાથે પુરતી જાણકારી મળ્યા બાદ પૈરા મનોસ સ્પા સેન્ટર ઉપર દરોડો પાડી દમણ રહેતા સ્પા સંચાલકની ધરપકડ કરી હતી. આ દરોડાથી દમણમાં ચાલી રહેલા વિવિધ સ્પા સેન્ટરોમાં પણ ફફડાટ ફેલાઈ જવા પામ્યો છે.