આગે વિકરાળ રૂપ ધારણ કરી આજુબાજુના અન્ય ચાર ગોડાઉનોને પણ લપેટમાં લીધા
(વર્તમાન પ્રવાહ વાપી બ્યુરો)
વાપી, તા.27
વાપી કરવડ રોડ ઉપર આવેલ એક વેરહાઉસમાં સોમવારે મળસ્કે ભિષણ આગ લાગી હતી. આગની રોદ્રતા એટલી હતી કે ચપોચપ આજુબાજુના અન્ય ત્રણથી ચાર ગોડાઉનોને લપેટમાં લઈ લીધા હતા. મધરાતે લાગેલી આગને લઈ આખા વિસ્તારમાં ભયના માહોલ સાથે દોડધામ મચી જવા પામી હતી.
વાપી ડુંગરી ફળીયાથી કરવડ ગામ સુધી રોડની બન્ને તરફ ભંગારના ગોડાઉનોગંજ લાગેલો છે. કરવડ ગામ નજીક નુર કાંટા પાસે આવેલ એક વેર હાઉસમાં સોમવારે સવારે ત્રણથી પાંચ વાગ્યાના સુમારે આસપાસ અચાનક ભિષણ આગ લાગી હતી. આગને લઈ અન્ય ગોડાઉન પણ આગની લપેટમાં આવી ગયા હતા. ગોડાઉનોમાં ભંગારના કેમીકલ-સોલવન્ટના ડ્રમોનો વિશાળ જથ્થો હોવાથી જોતજોતામાં આગ બેકાબુ બની ગઈ હતી. ફાયર ફાઈટરોની લાઈન લાગી ગઈ હતી. બે-ત્રણ કલાકની જહેમત બાદ આગ પર કાબુ કરી લેવાયો હતો.
