(વર્તમાન પ્રવાહન્યુઝ નેટવર્ક)
દીવ, તા.26: કેન્દ્રશાસિત પ્રદેશ દીવ જિલ્લા ભારતીય જનતા પાર્ટીના પ્રમુખ શ્રી મોહનભાઈ લખમણના નેતૃત્વમાં દીવ જિલ્લા ભાજપના હોદ્દેદારો, કાર્યકર્તાઓ અને ચૂંટાયેલા પ્રતિનિધિઓ દ્વારા નવી દિલ્હી ખાતે સાંસદ પરિસરમાં ઉપરાષ્ટ્રપતિ અને રાજ્યસભાના અધ્યક્ષ શ્રી જગદીપ ધનખડની મિમિક્રી કરતા ટીએમસી સાંસદ કલ્યાણ બેનર્જી અને રાહુલ ગાંધી વિરુદ્ધ ધરણા પ્રદર્શન કર્યું હતું.
નવી દિલ્હીમાં સંસદ ભવનના પરિસરમાં ટીએમસી સાંસદ કલ્યાણ બેનર્જી દ્વારા ભારતના ઉપરાષ્ટ્રપતિ અને રાજ્યસભાના અધ્યક્ષ શ્રી જગદીપ ધનખડની નકલ કરતો એક વિડીયો બનાવવામાં આવ્યો હતી. જે નીંદનીય ઘટના સમયે કોંગ્રેસ નેતા રાહુલ ગાંધીએ પણ સહયોગ કર્યો હતો, જેને લઈને આજે દીવ જિલ્લા ભારતીય જનતા પાર્ટીએ કલ્યાણ બેનર્જી અને રાહુલ ગાંધી વિરુદ્ધ રેલી કાઢી ‘ઉપરાષ્ટ્રપતિ કા અપમાન નહિ ચલેગા, નહિ ચલેગા’ તથા ‘રાહુલ ગાંધી મુર્દાબાદ’, ‘સંવિધાન કા અપમાન નહિ ચલેગા નહિ ચલેગા’ના સૂત્રોચ્ચાર સાથે ધરણાં પ્રદર્શન કર્યું હતું.
આ પ્રસંગે દીવ જિલ્લા ભારતીય જનતા પાર્ટીના પ્રમુખ શ્રી મોહનભાઈ લખમણ, દીવ નગર પાલિકા પ્રમુખ હેમલતાબેન દિનેશ, દીવ જિલ્લા પંચાયત પ્રમુખ શ્રી રામજી ભીખા બામણીયા, મહામંત્રી શ્રી ભવ્યેશ ચૌહાણ તથા બીજેપી હોદ્દેદારોકાર્યકર્તાઓ અને ચૂંટાયેલા પ્રતિનિધિઓ ઉપસ્થિત રહ્યા હતા.