રાત્રિ દરમિયાન સેકન્ડ ફેઈઝ વિસ્તારમાં મોબાઈલ ઝૂંટવવાના વધી રહેલા કેસો
(વર્તમાન પ્રવાહ વાપી બ્યુરો)
વાપી, તા.19
વાપી સેકન્ડ ફેઈઝ વિસ્તારમાં ગતરોજ રાત્રે કંપનીમાંથી ફરજ પુરી કરીને સાયકલ ઉપર ઘરે જઈ રહેલ એક વિકલાંગ શ્રમિકના ખિસ્સામાંથી મોટર સાયકલ ઉપર આવેલ ઈસમો મોબાઈલ ઝૂંટવીને ફરાર થઈ ગયા હતા.
સી-ટાઈપ નજીક બનેલી ઘટના બાદ લોકો એક્ઠા થઈ ગયા હતા. આમ પણ આ રોડ વ્યસ્ત હોય છે. ઘટનાની જાણ ઉદ્યોગનગર પોલીસને કરવામાં આવતા પોલીસ દોડી આવી હતી. ભોગ બનનરા શ્રમિકને પોલીસ સ્ટેશને લઈ ગઈ હતી. અહી રોડ ઉપર સી.સી. ટીવી કેમેરા લાગેલા છે. પરંતુ ચાલુ છે કે બંધ છે તે તપાસનો જરુરી છે. બીજુ ખાસ કરીને સેકન્ડ શીફટ બાદ પરત ફરતા કામદારો સાથે અનેક વાર આવી ઘટનાઓ ઘટે છે. પણ પોલીસ સુધી ફરિયાદો નથી પહોંચતી તે પણ હકીકત છે. તેથી રાત્રી પેટ્રોલીંગ વધારવું જરૂરી લાગી રહ્યું છે.
