આ કંપની જી.પી.સી.બી.ના રડાર પર હતી તો ચેકીંગ કેમ નહી થયું?
(વર્તમાન પ્રવાહ વાપી બ્યુરો)
વાપી, તા.06: વાપી જીઆઈડીસી સેકન્ડ ફેઝમાં કાર્યરત ક્રિએટીવ ટેક્સટાઈલ્સમાં સોલીડ વેસ્ટ છુપાયેલાની ઘટના ઉજાગર થઈ છે. જેમાં બન્યું એવું હતું કે, કંપની દિવાલ અગાઉ તૂટી પડેલી જેની મરામતની કામગીરી હાથ ધરવામાં આવતા કંપનીમાં સ્ટોક કરાયેલ સોલીડ વેસ્ટ બહાર ધસી આવ્યો હતો તેવું જોનારા વર્ણવી રહ્યા છે.
ક્રિએટીવ ટેક્સટાઈલ્સ ગારમેન્ટ પ્રોડક્ટની કામગીરીમાં સંકળાયેલી છે. તેથી કંપનીમાં પર્યાવરણના નિયમોની જાળવણી કરવી જરૂરી છે. ઉલ્લેખનીય છે કે, આ કંપની ઉપર અગાઉ પણ જી.પી.સી.બી.ની તવાઈ ઉતરી ચુકેલી હતી. હાલમાં કંપની ફરી શંકાના દાયરામાં આવી છે. કારણ કે કંપનીની દિવાલ ધસી પડયા બાદ વેસ્ટ બહાર ડોકાયો? જો કે આ તપાસનો વિષય છે.સામાન્ય રીતે સોલીડ વેસ્ટ અને એફયુએન્ટ નિયમો મુજબ સી.ઈ.ટી.પી.માં મોકલવું જરૂરી છે અને સોલીડ વેસ્ટ સોલીડ વેસ્ટની સાઈટ પર મોકલવા નિયમો છે. તેથી ધસી પડેલ દિવાલ બાદ કંપની સામે અનેક પ્રશ્નાર્થ ઉભા કરે છે. તેથી જી.પી.સી.બી. પર્યાપ્ત તપાસ તાકીદે હાથ ધરવાની જરૂરીયાત ઉભી થઈ છે.
