લોકપ્રિય લોકકલાકાર કિર્તિદાન ગઢવી અને વનિતા પટેલના ડાયરામાં હજારોની જનમેદની ઉમટી પડી
(વર્તમાન પ્રવાહ વાપી બ્યુરો)
વાપી, તા.12: વલસાડ જુજવાના મેદાનમાં શનિવારે રાત્રે અગ્નિવીર ગૌરક્ષક દળ દ્વારા ગૌધનની રક્ષા-સુરક્ષા અને સારવાર માટે લોકસંગીત ડાયરાનું આયોજન કરવામાં આવ્યું હતું. ડાયરામાં ગૌપ્રેમી જાહેર જનતા હજારોની સંખ્યામાં ઉમટી પડી હતી. તેમજ રીતસરનો ચલણી નોટોનો વરસાદ વરસાવ્યો હતો.
વલસાડ અગ્નિવીર ગૌરક્ષક દળ મુંગા પશુઓના રક્ષણ માટે વર્ષોથી કાર્યરત છે. ગાયોની સેવા સારવાર અને સુરક્ષા માટે ગૌરક્ષક દળ દ્વારા શનિવારે લોકસંગીત ડાયરાનું જુજવા મેદાનમાં આયોજન કર્યું હતું. લોકપ્રિય લોક કલાકાર કિર્તિદાન ગઢવી અને વનિતાબેન પટેલએ લોકસંગીતની રમઝટ બોલાવી દીધી હતી. ઉપસ્થિત હજારોની જનમેદની ઝુમી હતી. ડાયરામાં દાનની સરવાણી રેલાવી આરંભાઈ પછી તો રીતસર ચલણી નોટોનો જાણે વરસાદ પડતો હોય તેમ સ્ટેજ નોટોથી છલકાઈ ગયો હતો. ડાયરામાં ઉપસ્થિત કિન્નરોએ પણ સારી એવી મદદ કરી લોકચાહના મેળવી હતી.
