આરોપી કૈલાસ દહાલેએ લક્ઝરીની ડીકીમાં 69 હજારનો દારૂ છુપાવ્યો હતો
(વર્તમાન પ્રવાહ વાપી બ્યુરો)
વાપી, તા.11: વાપી સલવાવ નેશનલ હાઈવે ઉપરથી ગતરોજ ડુંગરા પોલીસે એક લક્ઝરી બસની ડીકીમાં છુપાવેલ 69 હજારના દારૂના જથ્થા સાથે મુસાફર આરોપીને ઝડપી પાડયો હતો.
પ્રાપ્ત વિગતો મુજબ વાપી હાઈવે સલવાવ ઓવરબ્રિજ પાસે ડુંગરા પોલીસે વાહન ચેકીંગ દરમિયાન લક્ઝરી બસ નં.આર.જે. 46 બીએ 2115 ને અટકાવી ચેકીંગ કર્યું હતું. કાર્યવાહી દરમિયાન લક્ઝરીની ડીકીમાં દારૂ-બિયરની બોટલ નંગ-409 કિં. રૂા.69625નો દારૂનો જથ્થો મળી આવ્યો હતો. પોલીસે ડ્રાઈવર-કન્ડક્ટરને પૂછપરછ કરતા જથ્થો ભરનાર મુસાફર આરોપી કૈલાસ દહાલે રહે.બાંસવાડા, રાજસ્થાનનું નામ જાહેર થયું હતું. કૈલાસએ કબુલ્યુ હતું કે આ જથ્થો દમણથી લાવી અને સુરતમાં અનિતા તોલસિંહ કટારાના ઘરે પહોંચાડવાનો હતો. પોલીસે તમામ આરોપીઓ વિરૂધ્ધ કાયદેસરનીકાર્યવાહી કરી મુદ્દામાલ જપ્ત કર્યો હતો.
