કાકા દિપકભાઈ પટેલનું ડૂબી જવાથી મોત થઈ ગયું હતું જ્યારે ભત્રીજા રંગને હોડીવાળાઓએ બચાવી લીધો હતો
(વર્તમાન પ્રવાહ વાપી બ્યુરો)
વાપી, તા.26: વલસાડના ધનોરી ગામે રહેતો પરિવાર પિતૃતર્પણ માટે નર્મદા, ચાણોદમાં ગયો હતો. વિધી દરમિયાન સમય મળતા પરિવારના કાકો-ભત્રીજો અને અન્ય પાણીમાં નહાવા ગયા હતા. જેમાં કાકડો અને ભત્રીજો પણ નહાવા પડેલા તે દરમિયાન બન્ને ઊંડા પાણીમાં ગરકાવ થઈ ગયેલા પરંતુ ભત્રીજાનેહોડીવાળાઓએ બચાવી લીધો હતો.
વલસાડ તાલુકાના ધાનોરી ગામે પટેલ ફળીયામાં રહેતા ગિરિધરભાઈ પ્રેમાભાઈ પટેલ તેમની પત્ની નિરૂબેન પટેલ, પૂત્ર દિપકભાઈ ગિરિધર પટેલ, બહેન હર્ષના, નવિન પટેલ, ઈશ્વર પટેલ જેવા પરિવારના 28 લોકો ગત તા.18ના રોજ ગિરિધરભાઈ પટેલ અને રંગ દિલીપભાઈ પટેલ અને અન્ય ચાર-પાંચ જણા પાણીમાં નહાવા ગયા હતા ત્યારે દિપકભાઈ અને રંગ પટેલ પાણીમાં ડૂબ્યા હતા પરંતુ ભત્રીજા રંગનો હાથ દેખાતા હોડીવાળાઓએ બચાવી લીધો હતો જ્યારે દિપકભાઈ પાણીમાં ડૂબી જતા તેમની શોધખોળ હાથ ધરી હતી. એનટીઆરએફએ મોડી સાંજ સુધી તપાસ કરેલી પણ સફળતા મળી નહોતી. બીજા દિવસે કાકા દિપક પટેલનો મૃતદેહ મળ્યો હતો. 72 વર્ષિય વૃધ્ધ પિતા ગિરિધરભાઈ પટેલએ પોતાના દિકરાને કાંધ આપા હતી ત્યારે ગામમાં શોકનું મોજુ ફરી વળ્યું હતું.
