સ્વાસ્થ્ય જાગૃતિ સાથે પર્યાવરણ દિવસ નિમિત્તે પર્યાવરણ બચાવવાની જાગૃતિ લાવવાનો પ્રયાસ
(વર્તમાન પ્રવાહ ન્યુઝ નેટવર્ક)
વલસાડ, તા.26: વલસાડના સ્વાસ્થ્ય જાગૃતિ લાવવા કાર્યરત ગૃપ વલસાડ રેસર્સ દ્વારા આગામી 4 જૂનના રોજ આવતા પર્યાવરણ દિવસ નિમિત્તે પર્યાવરણ જાગૃતિ લાવવાનો અનોખો પ્રયાસ હાથ ધરાયો છે. જેમાં તેમનાદ્વારા બીચ રનનું આયોજન કરાયું છે. આ બીચ રન સાથે તેમના દ્વારા 1111 વૃક્ષારોપણનો કાર્યક્રમ પણ કરાશે.
વલસાડમાં અવાર-નવાર સ્વાસ્થ્ય જાગૃતિ માટે મેરેથોન અને સાયક્લોથોન યોજનાર વલસાડ રેસર્સ ગૃપ દ્વારા આગામી 4 જૂને બીચ રન યોજાઈ રહી છે. આ બીચ રન 3 કમીની અને 5 કિમીની રહેશે. જેમાં જોડાવા તેમના દ્વારા લોકોને અપિલ થઈ રહી છે. આ બીચ રન થકી તેઓ સ્વાસ્થ્ય પ્રત્યે લોકોને જાગૃત કરવા ઈચ્છે છે. તેમજ સાથે સાથે પર્યાવરણ પ્રત્યે પણ લોકો જાગૃત થાય. આ રન સ્વામિનારાયણ મંદિર નજીકના બીચ પરથી વહેલી સવારે શરૂ થશે. જેમાં મોટી સંખ્યામાં વલસાડના લોકો જોડાશે.