સમાધાન ભાગ રૂપે વિવિધ બેંકો, જીઈબીના મળી રૂા.13.66 લાખનું થયું સેટલમેન્ટ
(વર્તમાન પ્રવાહ ન્યુઝ નેટવર્ક)
પારડી, તા.14: શનિવારના રોજ પારડી સિવિલ કોર્ટ ખાતે નેશનલ લોક અદાલતનું આયોજન કરવામાં આવ્યું હતું. જેમાં ઘણા સમયથી વણઉકેલ્યા કેસો જેવા કે નેગોશિયબલ, પ્રોહિબિશન લગ્ન જીવનના. જીઈબી અને વિવિધ બેન્કોના નાણાંકીય વ્યવહારના કેસોને મૂકવામાં આવ્યા હતા. જેમાં પ્રિન્સિપાલ સિવિલ જજ ઝેડ.જી.મોદન, એડિશનલ સિવિલ જજ સબા સય્યદ, અને સિનિયલ વકીલ ભરતભાઈ પટેલ, મહેશભાઈ ભટ્ટ, માંગીલાલ પુરોહિત, જિનેશ માપરા, ભાર્ગવ પંડ્યા, નીલ શેઠ, રોનક રાણા, મિતેશ ભંડારી, સહિત વકીલોએ અસીલોની રજૂઆતો સાંભળી હતી અને કુલ 399 કેસોનો સુખદ નિકાલ કરવામાં સફળતા મેળવી હતી. આ સાથે સ્ટેટ, બેંક, બેંક ઓફ બરોડા, સહિત વિવિધ બેંકો અને જીઈબીનાકેસોનું રૂા. 13.66 લાખનું સેટલમેન્ટ થયું હતું.