(વર્તમાન પ્રવાહ વાપી બ્યુરો) વાપી, તા.03
વાપી રોટરી રિવરસાઈડ અને યુનિક એજ્યુકેશન એન્ડ ચેરીટેબલ ટ્રસ્ટ દ્વારા આજરોજ પ્રાથમિક શાળા, વટાર ખાતે આઈ ચેકઅપ કેમ્પનું આયોજન વટાર ગામના લોકો માટે કરેલ હતું.
આ કેમ્પમાં નવસારીની પ્રખ્યાત રોટરી આઈ હોસ્પિટલના ડોક્ટરોએ સેવા આપી હતી. આ કેમ્પનો 398 લોકોએ લાભ લીધેલ છે. જેમાં ટોટલ 282 લોકોને વિના મૂલ્યે ચશ્માનું વિતરણ કરવામાં આવેલ છે અને 33 લોકોને તારીખ 8/4/2022 ના રોજ મોતિયોના ઓપરેશન માટે રોટરી આઈ હોસ્પિટલ, નવસારી લઇ જવામાં આવશે અને આ દરેક લોકોને આ ઓપરેશન વિના મૂલ્યે કરી આપવામાં આવશે.
આ કેમ્પને સફળ બનાવવા રોટરી વાપી રિવર સાઇડ અને યુનિક એજ્યુકેશન એન્ડ ચેરીટેબલ ટ્રસ્ટ ના સભ્યોએ ખૂબ મેહનત કરી હતી.
