સમર કેમ્પમાં દમણના 650 અને દાદરા નગર હવેલીના 450 સ્પર્ધકોએ લીધેલો ભાગ
(વર્તમાન પ્રવાહ ન્યુઝ નેટવર્ક)
દમણ, તા.23: દાદરા નગર હવેલી અને દમણમાં 8મેના રોજ આયોજિત 15 દિવસીય સમર સ્પોર્ટ્સ ટ્રેનિંગકેમ્પની સોમવારે પૂર્ણાહુતિ થઈ હતી. આ રમત પ્રશિક્ષણ શિબિરમાં નિષ્ણાત રમતગમત કોચ દ્વારા યુવાનોને ફૂટબોલ, ક્રિકેટ, ટેબલ-ટેનિસ, તીરંદાજી, મલખંમ, વોલીબોલ, ખો-ખો, કબડ્ડી, ચેસ, કરાટે, બોક્સિંગ, લોન ટેનિસ, યોગાસન, બીચ વોલીબોલ વગેરેની તાલીમ આપવામાં આવી હતી.
પ્રાપ્ત માહિતી પ્રમાણે સંઘપ્રદેશ પ્રદેશ દાદરા નગર હવેલી અને દમણ-દીવ પ્રશાસન દમણના યુવા બાબતો અને રમતગમત વિભાગ દ્વારા સંઘપ્રદેશ પ્રદેશમાં રમત-ગમત સંસ્કળતિના વિકાસ માટે સંઘપ્રદેશના પ્રશાસક શ્રી પ્રફુલભાઈ પટેલના દિશા નિર્દેશ અને યુવા બાબતો અને રમત-ગમત વિભાગના સેક્રેટરી ડો. અરૂણ ટીના માર્ગદર્શનમાં અને દાનહ અને દમણ જિલ્લા યુવા બાબતો અને રમત-ગમત વિભાગના નિયામક શ્રી અરૂણ ગુપ્તાના સહયોગથી દમણ અને દાદરા નગર હવેલી જિલ્લાની સરકારી અને ખાનગી શાળાઓ અને કોલેજોના વિદ્યાર્થીઓને રમત-ગમત ક્ષેત્રે નવીનતમ કૌશલ્યો અને જ્ઞાન શીખવવા માટે 8મી મે, 2023ના રોજ 1પ દિવસીય સમર સ્પોર્ટ્સ કોચિંગ કેમ્પનું આયોજન કરવામાં આવ્યું હતું. સવારે 7.30 થી 10.30 સુધી ચાલેલા આ સમર સ્પોર્ટ્સ ટ્રેનિંગ કેમ્પમાં દમણમાં 650 અને દાદરા નગર હવેલીમાં 450 સ્પર્ધકોએ ભાગ લીધો હતો. આ સમર સ્પોર્ટસ કોચિંગ કેમ્પને સફળ બનાવવા શ્રી અક્ષય કોટલવાર, શ્રીદેવરાજસિંહ રાઠોડ, શ્રી મહેશ પટેલ, યુવા બાબતો અને રમતગમત વિભાગના અધિકારીઓ અને વિભાગના કોચ અને સ્ટાફે સહયોગ આપ્યો હતો.