(વર્તમાન પ્રવાહ ન્યુઝ નેટવર્ક)
દમણ, તા.૧૯
આજે દમણ જિલ્લા કોળી પટેલ સમાજની ઍક બેઠક કોળી પટેલ સમાજના પ્રમુખના અવસાન બાદ ખાલી પડેલા પદ માટે જિલ્લા પંચાયત પ્રમુખ શ્રી બાબુભાઈ પટેલની અધ્યક્ષતામાં મળી હતી. બેઠકમાં કાર્યકારી નવા પ્રમુખની નિમણૂક કરવા અંગે ચર્ચા-વિચારણા કરવામાં આવી હતી.
આ બેઠકનું સંચાલન સમાજના મંત્રી શ્રી જયંતિભાઈ પટેલ દ્વારા કરવામાં આવ્યું હતું. આ બેઠકમાં સમગ્ર દમણ જિલ્લામાંથી યુવાનો અને અગ્રણી લોકો ઉપસ્થિત રહી સલાહસૂચનો આપ્યા હતા. સભામાં સૌપ્રથમ સમાજના પ્રમુખ અને સમાજના અગ્રણીઓને શ્રદ્ધાંજલિ આપી સભાની શરૂઆત કરવામાં આવી હતી.
બેઠકમાં જ્યાં સુધી નવા પ્રમુખની નિમણુક નહીં થાય ત્યાં સુધી સમાજના દાખલા અને પ્રમાણપત્ર પર સહી કરવાની જવાબદારી શ્રી જયંતિભાઈ પટેલને આપવામાં આવી છે. આ બેઠકમાં બે મહિનામાં નવા પ્રમુખની નિમણૂક કરવાનો નિર્ણય લેવામાં આવ્યો છે. બે મહિના માટે, ઍક સમિતિ પણ બનાવવામાં આવી છે.
સમિતિના સભ્યો શ્રી વાસુભાઈ પટેલ, સાંસદ શ્રી લાલુભાઈ પટેલ, જિલ્લા પંચાયત પ્રમુખ શ્રી બાબુભાઇ પટેલ, શ્રી નવીનભાઈ અખ્ખુ, શ્રી નવીન રમણ પટેલ, શ્રી જયંતીભાઈ પટેલ ખારીવાડ અને શ્રી ગજુભાઇ ડાયાભાઇ પટેલને સમિતિની જવાબદારી સોîપવામાં આવી છે. આ સમિતિ દરેક ગામથી સમિતિ બનાવવા આવનારા બે મહિનામાં નવા પ્રમુખની નિમણૂક કરવામાં સહયોગ અને જવાબદારી નિભાવશે. ઉપસ્થિત તમામ સભ્યોનો આભાર બેઠકનું સમાપન કરવામાં આવ્યું હતું.
આ બેઠકમાં શ્રી ગુલાબભાઈ બાબુ, શ્રી કેતનભાઈ પટેલ, શ્રી જીજ્ઞેશભાઈ પટેલ, શ્રી મણીલાલ પટેલ, શ્રી તનોજભાઈ પટેલ, શ્રી રાયચંદભાઈ પટેલ અને અન્ય મહાનુભાવો ઉપસ્થિત રહ્ના હતા.
