(વર્તમાન પ્રવાહ ન્યુઝ નેટવર્ક)
દમણ, તા.18: સંઘપ્રદેશના પ્રશાસક શ્રી પ્રફુલભાઈ પટેલના દિશા-નિર્દેશ હેઠળ વન વિભાગ દ્વારા દમણની તમામ 14 ગ્રામ પંચાયતોમાં ફણસના વૃક્ષોનું રોપાણ કરવામાં આવ્યું છે. દમણમાં દરેક પંચાયતો મળીને કુલ 105 ફણસના વૃક્ષો લગાવાયા છે.
આંટિયાવાડ પંચાયત ખાતે હિંગરાજ માતાના મંદિર પાસે 20 અને ઘેલવાડ પંચાયતમાં ક્રિકેટ ગ્રાઉન્ડ પાસે કુલ 10 ફણસના વૃક્ષોનું વાવેતર કરવામાં આવ્યું હતું. જેમાં પંચાયતના સરપંચ, સેક્રેટરી તથા ફોરેસ્ટર સ્ટાફ કુ. ભાવિષા નવિન પટેલ અને શ્રી સુશીલ ઉપસ્થિત રહ્યા હતા.
