(વર્તમાન પ્રવાહ ન્યુઝ નેટવર્ક) પારડી, તા.04
પારડીના ઓરવાડ ખાતે રહેતા મનીષભાઈ ભરતભાઈ ધો. પટેલ પોતાની પત્ની હીના પુત્ર શ્લોક તથા સાળી નિશા સાથે ઓરવાડથી વલસાડ હાઈવે સ્થિત હોટલમાં ગઈકાલે રાતે 8.00 વાગ્યાની આસપાસ પોતાની સ્વીફટ કાર નંબર જી.જે. 15 સીકે 6192 લઈ જમવા નીકળ્યા હતા. આ દરમ્યાન પારડી ચન્દ્રપુર નજીક એક ઈકો કાર નંબર જી.જે16 સીએચ 9959 ના ચાલકે ખૂબ નજીકથી ઓવરટ્રેક કરતા મનીષભાઈએ પોતાની કાર સર્વિસ રોડ પર લઈ ઉભી રાખતા ઈકો કાર એમની પાછળ આવી કારમાંથી ચાર જેટલા (1) નિકેત ઈશ્વરભાઈ પટેલ રહે. માછી ફળીયા માંડવા અંકલેશ્વર. (2) જયેશ હસમુખભાઈ પટેલ રહે. એજન (3) ઉમેશ શાંતિલાલ પટેલ રહે એજન (4) નિલેશ બાબુભાઈ વસાવા રહે.ભાઠાબેટ અંકલેશ્વર લોકોએ નીચે ઉતરી મનીસભાઈને ઢીક્કા-મુક્કીનો માર મારતા પત્ની અને સાળીએ વચ્ચે આવી મનીષભાઈને છોડાવ્યા હતા.
આ દરમ્યાન પારડી પોલીસ પણ સમયસર પહોંચી જતા બબાલ કરી રહેલ ચારેય ઈસમોને પકડી પોલીસ સ્ટેશન લાવી તપાસ દરમિયાન તેઓ નશાની હાલતમાં હોય પોલીસે પીધેલાનો પણ કેસ કરી જેલની પાછળ ધકેલી દીધા હતા.
