(વર્તમાન પ્રવાહ વાપી બ્યુરો)
વાપી, તા.20: વાપી, દમણ, સેલવાસ, રાજસ્થાન પ્રગતિ મંડળ ચેરીટેબલ ટ્રસ્ટની ગતરોજ યોજાયેલી મીટિંગમાં સન.2022-24ના નવા હોદ્દેદારોની વરણી બિનહરિફ થઈ હતી.
ચૂંટણી અધિકારી લક્ષ્મણ પુરોહીત દ્વારા જાહેર કરવામાં આવેલ યાદી મુજબ આગામી વર્ષ2022-24 માટે નવિન કારોબારીમાં પ્રમુખ તરીકે રાજેશ દુગ્ગડ, ઉપપ્રમુખ શ્રવણ નૈન અને યદુનંદન જલુકા તથા સચિવ તરીકે દિનેશ દાયમા, સહસચિવ સુરેશ ત્રિવેદી, ખજાનચી તરીકે પ્રવિણ બાફનાની બિનહરિફ સર્વાનુમત્તે વરણી કરવામાં આવી હતી. તેમજ કારોબારી સમિતિમાં ઉત્સાહી સેવાભાવી નવા યુવા ચહેરાઓનો સમાવેશ કરાયો હતો. જેમાં અભિષેક સાંખલા, અરુણ સિરોયા, સુમિત યારીક, ગૌરીશંકર શર્મા, હનુમાન પ્રસાદ શર્મા, જગદીશ તંવર, મહેશ મહેશ્વરી, નિલેશ લાહોટી, પુરનસિંહ રાઠોડ, રાજકુમાર ગોલછા તથા સુંદર જૈનનો સમાવેશ કરાયો હતો.
