(વર્તમાન પ્રવાહ વાપી બ્યુરો)
વાપી, તા.19: વલસાડના એક વિસ્તારમાં રહેતી એક 16 વર્ષિય સગીરાએ કોઈ અગમ્ય કારણોસર આજે સવારે 10 વાગ્યાના સુમારે પોતાના જ ઘરમાં ગળે ફાંસો ખાઈ આત્મહત્યા કરતા ચકચાર મચી જવા પામી હતી.
વલસાડમાં રહેતી 16 વર્ષિય સગીરા આજે સોમવારે સવારે ઘરમાં એકલીહતી તેમજ નાનો ભાઈ બહાર રમવા ગયો હતો. થોડા સમય પછી નાનો ભાઈ ઘરમાં આવ્યો તો બહેનને ઘરમાં લટકતી જોતા બુમાબુમ કરી હતી. નજીકમાં રહેતા ફોઈ દોડતા આવી પહોંચ્યા હતા. વધુ બુમાબુમ થતા સ્થાનિકો ભેગા થઈ ગયા હતા. તેમજ 108 ને જાણ કરી હતી. પરંતુ એમ્બ્યુલન્સના તબીબે સગીરાને મૃત જાહેર કરી હતી. સીટી પોલીસે લાશનો કબજો મેળવી વધુ આગળની તપાસ હાથ ધરી હતી.
