પોલીસે ડિઝલનો જથ્થો હુન્ડાઈ કાર મળીને રૂા.2.16 લાખનો મુદ્દામાલ જપ્ત કર્યો
(વર્તમાન પ્રવાહ વાપી બ્યુરો)
વાપી, તા.19: વલસાડ નજીક પારનેરા સર્વિસરોડ ઉપર રાત્રી દરમિયાન ટ્રકમાંથી ડિજલ કાઢતા વાંકલ-બિનવાડાના ત્રણ ઈસમોને પોલીસે રંગે હાથ ઝડપી પાડી જેલ ભેગા કર્યા હતા.
પ્રાપ્ત વિગતો અનુસાર વલસાડ રૂરલ પોલીસ રવિવારે રાત્રે નાઈટ પેટ્રોલીંગમાં હતી તે દરમિયાન પારનેરા સર્વિસ રોડ ઉપર શંકાસ્પદ હિલચાલ જોઈ હતી. ઉભેલી ટ્રકમાંથી ડિઝલ કાઢીને બાજુમાં પાર્ક કરેલ હુન્ડાઈ વરના કાર નં.જીજે 05 સીએસ 8828 માં રાખેલ કારબામાં ત્રણ ઈસમો ભરી રહ્યા હતા. પોલીસે ત્રણેયની પૂછપરછ કરતા સાચી હકિકત બહાર આવી હતી. તેથી મિલન ખંડુભાઈ પટેલ રહે.વેઠીયાવાડ, બિનવાડા તથા દિવ્યેશ ગણેશ પટેલ અને અજય વસંત પટેલ બન્ને રહે.બિનવાડાની અટક કરી હતી. વરના કાર, કારબામાં રાખેલ 20 લીટર ડિઝલનો જથ્થો, મોબાઈલ મળી પોલીસે રૂા.2.16 લાખનો મુદ્દામાલ જપ કર્યો હતો. તેમજ 41(1) ડી હેઠળ કાયદેસરની કાર્યવાહી કરી હતી.