આરોપી સાજનગીરી શોભનગીરી મુંબઈની અટક : પોલીસે પીકઅપ અને રોકડા મળી 15.40 લાખનો મુદ્દામાલ જપ્ત કર્યો
(વર્તમાન પ્રવાહ વાપી બ્યુરો)
વાપી, તા.19: વાપી નજીક બલીઠા હાઈવે ઉપરથી પોલીસે પુંઠાની આડમાં છુપાવેલ દારૂનો જથ્થો ભરેલ પીકઅપ વાનને ઝડપી પાડી એક આરોપીની અટક કરી કાયદેસરની કાર્યવાહી કરી હતી.
વાપી ટાઉન પોલીસ વાહન ચેકીંગ કરી રહી હતી તે દરમિયાન બલીઠા હાઈવે ઉપર દમણ તરફથી આવી રહેલી પીકઅપ ગાડીનું ચેકીંગ કર્યું હતું. પીકઅપ નં.એમએચ 04 કેએફ 8136માં પોલીસે પુઠાની આડમાં પીકઅપમાં ભરેલ 5940 નંગ દારૂની બોટલનો જથ્થો ઝડપી પાડયો હતો. પીકઅપ ચાલક સાજનગીરી શોભનગીરી રહે.મુંબઈની અટક કરી હતી. બે મોબાઈલ રોકડા રૂા.13 હજાર અને દારૂનો જથ્થો રૂા.8.22 લાખ અને પીકઅપ મળી કુલ 15.40 લાખનો મુદ્દામાલ જપ્ત કર્યો હતો.
