કુ.શર્વરી આરેકરે એસ.એસ.સી.માં 91.33 ટકા ગુણાંક મેળવી શાળા પરિવારનું વધારેલું ગૌરવ
(વર્તમાન પ્રવાહ ન્યુઝ નેટવર્ક)
દમણ, તા.13: કુ.શર્વરી કૌસ્તુભ આરેકરે ઈન્સ્ટિટયૂટ ઓફ અવર લેડી ઓફ ફાતિમા (આઈ.ઓ.એલ.એફ.) સ્કૂલમાં ધો.10ના બોર્ડના પરિણામમાં 91.33 ટકા ગુણાંક સાથે પ્રથમ આવતા શાળા પરિવાર સહિત શિક્ષકોએ અભિનંદન પાઠવ્યા હતા.
કુ.શર્વરી કૌસ્તુભ આરેકરે ધો.10ના ગુજરાત બોર્ડના જાહેર થયેલા પરિણામમાં મોટી દમણની કોન્વેન્ટ સ્કૂલ (આઈ.ઓ.એલ.એફ.)માં ટોપ કર્યું છે. જેના કારણે આરેકર પરિવાર સહિત તેમના શુભેચ્છકો અને મિત્ર વર્તુળોમાં આનંદની લાગણી સાથે અભિનંદનની વર્ષા થઈ રહી છે.
