(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.09: વંકાલ ગામના મોખા ફળિયામાં સ્થાનિકો દ્વારા ક્રિકેટ ટૂર્નામેન્ટનું આયોજન કરાતા હરાજી પધ્ધતિથી ક્રિકેટરોની પસંદગી કરી ટીમ બનાવાતા આઠ જેટલી ટીમો મેદાનમાં ઉતરી હતી. આ ટૂર્નામેન્ટનું ઉદ્દઘાટન ધારાસભ્ય નરેશભાઈ પટેલ હસ્તે જિલ્લાપંચાયત સભ્ય નિકુંજભાઈ પટેલ ઉપરાંત સ્થાનિક આગેવાનો અને ક્રિકેટરોની ઉપસ્થિતિમાં કરવામાં આવ્યું હતું. આ ટૂર્નામેન્ટની ફાઈનલમાં માધવ ઈલેવન અને યશ્ચિ ઈલેવન વચ્ચે મુકાબલો થયો હતો. જેમાં માધવ ઈલેવને પ્રથમ દાવ લઈ 65-રનનો લક્ષ્યાંક આપતા આ લક્ષ્યાંક યશ્ચિ ઈલેવન પૂરો ન કરી શકતા 18 રને માધવ ઈલેવન ચેમ્પિયન થતા કપ્તાન વિજુ પટેલને આર્યા ગ્રુપ સમરોલીના કલ્પેશભાઈ પટેલના હસ્તે ટ્રોફી એનાયત કરવામાં આવી હતી. આ ઉપરાંત રનર્સઅપ અને મેન ઓફ ધી સિરીઝ જાહેર થયેલા જય પટેલને ટ્રોફી એનાયત કરાઈ હતી. અંતે આભારવિધિ વંકાલ ગ્રામ પંચાયતના સભ્ય દીપકભાઈ ઠાકોરભાઈ દ્વારા કરવામાં આવી હતી.
