એક લાખ રૂપિયા વ્યાજે આપવાની સામે સિક્યુરીટી પેટે બે ચક અને બુલેટ મોટરસાયકલ પણ લીધી હતી
(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.09: પોલીસ મથકેથી પ્રાપ્ત વિગત મુજબ ફરિયાદી શિવાંગ બીપીનભાઈ કોળી પટેલ (રહે.કોળીવાડ આમધરા તા.ચીખલી)ના પિતાજીને છ એક માસ પૂર્વે સારવાર માટે આલીપોર હોસ્પિટલમાં દાખલ કરાતા પૂરતા પૈસા ન હોય તેમને નાંધઇ-ભૈરવીનો ધવલ વ્યાજનો ધંધો કરતો હોવાનું જાણવા મળતા તેનો સંપર્ક કરતા ખેરગામ એપીએમસી પાસે બોલાવી એક લાખ રૂપિયાની જરૂરિયાત હોવાનું જણાવતા ધવલે બે કોરા ચેક અને તેટલી જ રકમની એક વસ્તુ આપવા પડશે તેમ જણાવ્યું હતું. બાદમાં પીપલગભણ હાઈસ્કુલ પાસેબોલાવી વ્યાજના પ્રથમ હપ્તાના 10,000/- રૂપિયા કાપી લઈ 90,000/- રૂપિયા આપ્યા હતા. સિકયુરિટી પેટે શિવાંગે બે કોરા ચેક અને પિતાજીના નામે રજીસ્ટ્રેશન થયેલ તેમનું રોયલ એનફીલ્ડે જીજે-21-બીએલ-0001 આપેલ ત્યારબાદ તેના મિત્રના ફોન મારફતે ગુગલ પે થી વ્યાજના બીજા હપ્તાની રકમ રૂ.10,000/- ચૂકવ્યા હતા.
બાદમાં વ્યાજ આપવામાં મોડું થતા અવાર નવાર ફોન પર અને ઘરે આવીને પુરે પુરી રકમ ચૂકવી દેવા ધમકી આપતા પોલીસે ગેરકાયદેસર નાણાં ધીરનારની પ્રવૃત્તિ કરનાર ધવલ આશિષ પટેલ (રહે.નાંધઇ-ભૈરવી તાડ ફળીયા નહેર પાસે તા.ખેરગામ જી.નવસારી) સામે ગુનો નોંધી વધુ તપાસ હાથ ધરી હતી.
