ડાયાલીસીસની સુવિધાઓ તેમજ સંસ્થા દ્વારા થઈ રહેલી સેવાકીય પ્રવૃત્તિઓથી અભિભૂત થયા
(વર્તમાન પ્રવાહ વાપી બ્યુરો)
વાપી, તા.19: સુવિખ્યાત અભિનેતા, ડાયરેક્ટર અને પ્રોડ્યુસર, કૉમેડીના બેતાજ બાદશાહ શ્રી સંજય ગોરડીયાએ આજરોજ કિડની કેર મેહતા હોસ્પિટલની મુલાકાત લીધી. ડાયાલીસીસની સુવિધાઓ તેમજ સંસ્થા દ્વારા થઈ રહેલી સેવાકીય પ્રવૃત્તિઓથી અભિભૂત થયા.
આજરોજ ઢળતી સાંજે ગુજરાતી તખ્તાના મશહુર અભિનેતા અને કોમેડીના બેતાજ બાદશાહ એવા શ્રી સંજય ગોરડીયાએ એમના નવા નાટક ‘‘બે અઢી ખીચડી કઢી”ની ટિમ સાથે હેલપિંગ હેન્ડ ચેરીટેબલ ટ્રસ્ટ અને મેહતાહોસ્પિટલ સંચાલિત કિડની કેર મેહતા હોસ્પિટલની મુલાકાત લીધી હતી. અતુલ ખાતે એમના નાટકના શો પહેલા આખી ટિમ પારડી ખાતે પહોંચી અને સંસ્થાની મુલાકાત લીધી હતી. હેલ્પિંગ હેન્ડ ચેરીટેબલ ટ્રસ્ટના ચેરમેન ડો.પ્રફુલ મેહતા, વાઈસ ચેરમેન શરદ દેસાઈ, પ્રોગ્રામ કમિટી ચેરમેન પ્રીતેશ ભરુચા વગેરેએ સાંજ ગોરડીયા, સોનીલ દરૂ તેમજ અન્ય અભિનેતાઓ આવકાર્યા. ડો.પ્રફુલ મેહતા અને શરદ દેસાઈએ એમને સંસ્થાની કાર્યવાહી અને સેવાકીય પ્રવૃત્તિઓથી માહિતગાર કર્યા હતા. હેલ્પિંગ હેન્ડ ચેરીટેબલ ટ્રસ્ટ અને મેહતા હોસ્પિટલ દ્વારા થઈ રહેલી આરોગ્યલક્ષી સેવાકીય પ્રવૃત્તિઓથી સમગ્ર ટિમ ભારે અભિભૂત થઈ અને સંસ્થાને શુભકામનાઓ પાઠવી હતી.
