(વર્તમાન પ્રવાહ ન્યુઝ નેટવર્ક)
દીવ,તા.૦૫ : આજે, કેન્દ્ર શાસિત પ્રદેશ દાદરા નગર હવેલી અને દમણ-દીવના દીવ જિલ્લાના બ્લુઅર પ્રમાણિત ઘોઘલા બીચ પર ભારતની પ્રથમ મલ્ટિસ્પોર્ટ્સ બીચ ગેમ્સ- ‘બીચ ગેમ્સ દીવ-૨૦૨૪’ અંતર્ગત ૦૩ રમતગમત સ્પર્ધાઓ યોજવામાં આવી હતી. જેમાં આ વિવિધ રાજ્યો તથા કેન્દ્ર શાસિત પ્રદેશના ખેલાડીઓઍ ઉત્સાહ અને ઉમંગ સાથે રમતોમાં ભાગ લીધો હતો. આ ૩ રમતગમતની સ્પર્ધાઓમાં પેંચક સિલાટ, મલખમ્બ અને ટગ ઓફ વોર(દોરડાખેંચ)નો સમાવેશ થાય છે.
અત્રે નોંધનીય છે કે, આ બીચ ગેમ્સ ૪ જાન્યુઆરી, ૨૦૨૪ થી ૧૧ જાન્યુઆરી, ૨૦૨૪ દરમિયાન યોજાશે અને ૧૧ જાન્યુઆરી, ૨૦૨૪ના રોજ આઈ.ઍન.ઍસ. ખુકરી, દીવ ખાતે રંગારંગ સાંસ્કૃતિક કાર્યક્રમ સાથે સમાપન થશે.
બીચ ગેમ્સ ૨૦૨૪, દીવમાં કુલ ૮ વિવિધ રમતોનો સમાવેશ કરવામાં આવ્યો છે જેમાં ૨૦થી વધુ રાજ્યો અને કેન્દ્ર શાસિત પ્રદેશોનું પ્રતિનિધિત્વ કરતા ૧૨૦૦થી વધુ ખેલાડીઓ ભાગ લઈ રહ્ના છે.
અત્રે યાદ રહે કે, આ રમતો ૦૫/૦૧/૨૦૨૪ થી ૧૧ જાન્યુઆરી ૨૦૨૪ સુધી દરરોજ સવારે ૦૭.૦૦ થી ૧૦.૦૦ અને સાંજે ૦૪.૦૦ થી રાત્રિના ૦૯.૦૦ કલાક દરમિયાન દીવ જિલ્લાના ઘોઘલા બીચ પર યોજાશે અને ત્યારબાદ રંગારંગ સાંસ્કૃતિક કાર્યક્રમનું પણ આયોજન કરવામાં આવશે.
