(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.05: ચીખલીતાલુકા કોંગ્રેસ દ્વારા ધારાસભ્ય અનંત પટેલની આગેવાનીમાં આમધરા ગામમાં વિકાસના કામોમાં ભ્રષ્ટાચારના વિરોધમાં ધરણા-પ્રદર્શન કરવામાં આવ્યું હતું.
આમધરા ગામમાં આરટીઆઈ દ્વારા માહિતી મેળવી સ્થાનિક કોંગ્રેસના કાર્યકરો, આગેવાનો દ્વારા મનરેગા યોજનામાં સામુહિક કુવા, ચેકડેમ ઊંડા કરવાના કામો, રેઈન વોટર હારવેસ્ટિંગ આ ઉપરાંત આમધરા ગામના વિવિધ વિસ્તારમાં રસ્તા, પ્રોટેક્શન વોલની લંબાઈમાં તફાવત સહિતની ફરિયાદો કરવામાં આવી હતી. જેમાં કોઈ જવાબ ન મળેલ હોવાની બાબતે ધારાસભ્ય અનંતભાઈ પટેલ, જિલ્લા કોંગ્રેસના પ્રમુખ શૈલેષભાઈ, કોંગ્રેસ અગ્રણી મગનભાઈ આમધરા, તાલુકા કોંગ્રેસ પ્રમુખ આઈ.સી.પટેલ સહિતના આગેવાનોની ઉપસ્થિતિમાં ચીખલી એસટી બસ સ્ટેન્ડ પાસે ધરણા યોજવામાં આવ્યા હતા.