(વર્તમાન પ્રવાહ ન્યુઝ નેટવર્ક)
સેલવાસ, તા.18 : આજે 55 વર્ષ પૂર્ણ કરી 56મા વર્ષમાં પ્રવેશ કરી રહેલ દાદરા નગર હવેલી ગવર્નમેન્ટ એમ્પ્લોઇઝ મ્યુચ્યુઅલ એઇડ કો.ઓ. સોસાયટી લીમીટેડની સાધારણ સભાનું આયોજન મુખ્ય અતિથિ તરીકે શિક્ષણ અધિકારી શ્રી બી.બી.પાટીલની અધ્યક્ષતામાં સેલવાસના કલા કેન્દ્ર ખાતે કરવામાં આવ્યું હતું.
આ અવસરે મંડળીના પ્રમુખ શ્રી દિલીપસિંહ સોલંકીએ મંડળીનો સને 2022-23નો વાર્ષિક અહેવાલ અને હિસાબ રજૂ કર્યો હતો. આ અવસરે મંડળના પ્રમુખ, ઉપ પ્રમુખ, કમિટીના તમામ સભ્યો અને સભાસદો ઉપસ્થિત રહ્યા હતા. કાર્યક્રમનું સંચાલન શ્રી પ્રકાશસિંહ સોલંકી દ્વારા કરવામાં આવ્યું હતું.
