ફાટક નં. 99 બંધ થતાં ગામના 7 વોર્ડના પ00 જેટલા
ઘરોના રહેવાસીઓ મુશ્કેલીમાં મુકાયા
(વર્તમાન પ્રવાહ વાપી બ્યુરો)
વાપી, તા.18: વલસાડના લીલાપોર અને સરોધી ગામ વચ્ચે આવેલ ફાટક નંબર 99 તા.16 થી 31 ઓગસ્ટ સુધી રેલવે દ્વારાબંધ કરી દેવામાં આવતા આજે હોબાળો મચ્યો હતો. હજારો લોકો એકઠા થઈને બંધ ફાટક અંગે વિરોધ કર્યો હતો. મામલો વધુ બિચકાતા પોલીસે થાળે પાડયો હતો.
પ્રાપ્ત માહિતી અનુસાર વલસાડના લીલાપોર-સરોધી ફાટક બંધ થતાં 7 જેટલા વોર્ડના પ00 ઉપરાંત ઘરોની અવર-જવર અટકી પડી છે. ચોક જવા માટે રસ્તો બંધ થઈ ગયો છે. હાઈવે થઈ જવામાં પણ મુશ્કેલી છે, પાણી ભરાઈ ગયા છે. તેથી ગામના નોકરીએ જતા લોકો અને વિદ્યાર્થીઓ ફાટક બંધ થતાં રોજીંદી અવર-જવર અત્યંત પ્રભાવિત બની ગઈ છે. તેથી આજે સ્થાનિક પરિવારો અને ગામના આગેવાનોએ બંધ ફાટકનો જોરદાર વિરોધ કર્યો હતો. એકઠી થયેલી ભીડ અને મામલો વધુ પેચીદો બને તે પહેલા પોલીસે મામલો થાળે પાડયો હતો. રોજીંદી અવર જવરની ઉભી થયેલી મુશ્કેલીઓ અંગે લોકોએ હોબાળો કરી જોરદાર વિરોધ નોંધાવ્યો હતો.
