(વર્તમાન પ્રવાહ ન્યુઝ નેટવર્ક)
સેલવાસ, તા.25 : દાદરા નગર હવેલી અને દમણ-દીવ લેબર વિભાગ દ્વારા આગામી 28 ઓગસ્ટના સોમવારના રોજ વિવિધ પંચાયતોમાં રોજગાર મેળાનું આયોજન કરવામાં આવનાર હોવાની માહિતી સાંપડી છે.
પ્રાપ્ત માહિતી પ્રમાણે ખાનવેલ પંચાયત ઘર, સામરવરણી પંચાયત હોલ અને નરોલી પંચાયતમાં ધાપસા હાઈસ્કૂલ ખાતે સવારે 9:30 વાગ્યાથી સાંજે 4:00 વાગ્યા દરમ્યાન સંઘપ્રદેશ દાદરા નગર હવેલી અને દમણ-દીવના દાનહ જિલ્લાના લેબર વિભાગ દ્વારા પ્રદેશના બેરોજગાર યુવક-યુવતીઓને રોજગારી મળે તે હેતુથી ‘રોજગાર મેળા’નું આયોજન કરવામાં આવશે. જેમાં મોટી સંખ્યામાં નોકરીવાંચ્છુ ઉમેદવારોને જરૂરી લાયકાતના ડોક્યુમેન્ટ સાથે સૂચવેલ પંચાયતો ખાતે ઉપસ્થિત રહેવા લેબર વિભાગ દ્વારા જણાવાયું છે.
